154               TESTAMENTS ENREGISTRÉS AU PARLEMENT DE PARIS            (394)
trespassement du dit testateur, il volt que le dit messire Germain en ait un autre bon.
Item, il laissa au dit messire Martin Cousin, oultre les autres laiz à lui faiz, son bréviaire à l'usage d'Arraz, en un volume que le dit testa­teur acheta de feu messire Robert Guignemant, et une petite Bible de menue lettre que ycelui testateur faisoit aucunes fois porter quant il aloit hors.                                                       '
Item, il laissa à Regnault Joudrier, son clerc, sa meilleur houppe­lande longue après celles des diz chappellains, un chapperon et un mantel simple qui ne soit pas d'escarlate, avec vint livres Parisis.
Item, il laissa à Jehanne la Belociere, sa chamberiere de son hostel à Paris, une autre chappe après celles dessus laissiées, se elle y est, avec le chaperon et deux pennes d'aigneaulx noirs, et si n'y a point de chape, elle aura une houppelande avec le chaperon.
Item, il laissa à Robert Doges cent escuz, de dix huit solz Parisis la piece, et son meilleur habit à chevauchier, tel qu'il vouldra eslire.
Item, il volt et ordonna le résidu de ses robes estre distribué par le dit abbé de Saint Remi à povres personnes de son lignage, hommes et femmes, ainsi qu'il verra estre expédient, et par le conseil du dit Guy l'Escot.
Item, il laissa à chascun de ses trois escuiers qui le serviront au jour de son trespassement cinquante escuz.
Item, il laissa à ses serviteurs ayans la garde de ses chevaulx soixante escuz d'or, de dix huit solz Parisis la piece, à distribuer selon leurs estaz par les diz abbé de Saint Remi et maistre Jehan de Thoisy, par l'advis du dit messire Germain Beville.
Item, il laissa à Jaquet du Moustier, son queux, douze escuz.
Item, à Robin le Caron, soubzqueux, dix escuz.
Item, au valeton de la cuisine soixante quàtre solz Parisis.
Item, le dit testateur laissa à son barbier dix escuz.
Item, en faisant les laiz dessus diz et ceulx cy après declairez par le dit testateur à ses serviteurs, il volt estre entenduz ses serviteurs ceulx qui demourront avec lui au jour de son trespassement.